The Musical World of Rocky Horror

We have 408 users, who have posted 1661 times in a total of 400 topics.

Song Lyric Categories

Rocky Horror Show Translations - 1991 Icelandic Cast: 18 song lyrics        4,325 views

From the 1991 cast album. This Icelandic language production of The Rocky Horror Show was put on by a group of college students at Menntaskólinn við Hamrahlíð ("MH") in Reykjavík, Iceland. All lyrics as printed in the CD liner notes. The 1995 Icelandic Cast, put on by a professional theatre company in Reykjavík, would actually use the same translations for the most part. A singular exception was "Laugardagskvöld" (Hot Patootie), which was completely reimagined as an ode to death metal instead. The 1991 version is more traditional, with Eddie playing his "saxófónninn" and really loving that "rokk og ról".

  1. (Science Fiction/Double Feature)
  2. Erfitt Janet (Dammit Janet)
  3. (Over At The Frankenstein Place)
  4. (Time Warp)
  5. Taumlaus Transi (Sweet Transvestite)
  6. (Charles Atlas Song)
  7. (Hot Patootie)
  8. (Charles Atlas Song [reprise])
  9. (Touch-A, Touch-A, Touch Me)
  1. (Once In A While)
  2. Bangsinn & Eddie (Eddie's Teddy)
  3. (Planet Schmanet, Janet)
  4. (Rose Tint My World)
  5. (Don't Dream It)
  6. (Wild And Untamed Thing)
  7. (I'm Going Home)
  8. Ofurhetjur (Super Heroes)
  9. (Science Fiction/Double Feature [reprise])
The Rocky Horror Show (MH Icelandic Cast)
TAGS: 1991 Icelandic Cast Icelandic Rocky Horror Show Science Fiction/Double Feature
Music and original lyrics by Richard O'Brien. Icelandic translation by Veturliði Guðnason.

Þegar jörðin stóð kyrr
var Michael Rennie sem fyrr
stjarnan sem sagði okkur til
og Flash Gordon stökk um
í silfurnærbuxum
Claude Rains gegnum veggi og þil.
En eitthvað gekk ei
hjá King Kong og Fay Wray
það kom hnykkur á filmunnar spil
okkur mannanna börnum
barst frá fjarlægum stjörnum
boð sem gera skal skil.

Geimvísindamyndaminni
doktor X hjá ókind sinni.
Við Brad og Janet hafa geimmenn kynni
Anne Francis er á forboðnu plánetunni
á geimvísinda-
miðnæturmynd
í Hafnarbíó.

Leo Carrol fékk tak
um leið og hann rak
risakóngulóna langt upp í fjöll
Og víst var það flott
þegar hún Janette Scott
barði eldspúandi þríöfða tröll
Dana Andrews þá byrst
beitti rúnanna list
og að rista þær nornin var snjöll
Í ragnarökum sagði
George Pal við sína lafði
Nú fyrst hefjast spennandi spjöll
Sem eru...

Geimvísindamyndaminni
doktor X hjá ókind sinni.
Við Brad og Janet hafa geimmenn kynni -
Anne Francis er á forboðnu plánetunni
á geimvísinda-
miðnæturmynd
í Hafnarbíó.

Ég er alveg óð -
í geimvísinda-
miðnæturmynd
í Hafnarbíó
frá R K Ó
í geimvísinda-
miðnæturmynd
í Hafnarbíó
í roki og snjó
er geimvísinda-
miðnæturmynd
í Hafnarbíó.

TAGS: 1991 Icelandic Cast Dammit Janet Icelandic Rocky Horror Show
Music and original lyrics by Richard O'Brien. Icelandic translation by Veturliði Guðnason.

Heyrðu, Janet, ég vil að þú vitir eitt,
ég virði það mjög hve fljótt og greitt
þú gast brúðarblómin frá hinum reytt.

Fljótið var mórautt og mislitt
en mér þykir allt saman ónýtt
hlustaðu róleg á mál mitt
Ég meina þetta eitt sem er erfitt,
Janet, ég elska þig.

Leiðin var steinótt og stórgrýtt
en stormandi bálið er brennheitt
magnaðri er viljinn en vit mitt
ég vil þetta eitt sem er erfitt,
Janet, ég elska þig.

Fingurgullið færir góður gæi
Gæfan fylgir oss á þrennan veg
Vel- illa- eða í meðallagi
J-a-n-e-t, þú ert yndisleg.

Betty fékk barasta tómt plat
býsn er ég fegin að ég gat
haft þig hjá mömmu í kvöldmat
ég man það eitt að ég sat,
Brad, óð í þig.

Ó, Brad -
Svo erfitt -
ég sat -
ó, Janet -
óð í þig -
eins og ég í þig-
nú er að fara á næsta stig.

Fórum til fræðarans sem ekki fyrtist
er fann ég að ástin mér birtist.
Í tíma hjá honum ég trylltist
með tjáningu ástin mín styrkist,
Janet, ég elska þig.

Erfitt, Janet
Ó, Brad, Ó, Brad
Erfitt, Janet
ég elska þig.

TAGS: 1991 Icelandic Cast Icelandic Over At The Frankenstein Place Rocky Horror Show
Music and original lyrics by Richard O'Brien. Icelandic translation by Veturliði Guðnason.

Er magnast myrkrið
svo mjúkt og svart
logar bjart - leiðarstjarnan skær
lifnar og dafnar draumur þinn kær

Ljómar ljós
logabjart í Frankenstein-höll
ljómar ljós
lifna í arni eldsins tröll
ljómar ljós - skært ljós
ljós sem vísar
lífsins leið um nótt

Þar flaksast fáni
fjarri við hún
hátt á brún - vís er von og trú
að vænkist okkar hagur hér og nú

Ljómar ljós
logabjart í Frankenstein-höll
ljómar ljós
lifna í arni eldsins tröll
ljómar ljós - skært ljós
ljós sem vísar
lífsins leið um nótt.

Myrkur á braut
hverfi í móðu næturdrauma
Flæði valmúans blóð láti ljóss
og sólar strauma vekja mér móð
vekja mér móð.

Ljómar ljós
logabjart í Frankenstein-höll
ljómar ljós
lifna í arni eldsins tröll
ljómar ljós - skært ljós
ljós sem vísar
lífsins leið um nótt.

TAGS: 1991 Icelandic Cast Icelandic Rocky Horror Show Time Warp
Music and original lyrics by Richard O'Brien. Icelandic translation by Veturliði Guðnason.

Agndofa sé ég elfi tímans venda
æði er óhemju fórn
En takið vel eftir -
það tekur brátt enda
í tíma er ég við stjórn

Mér býr í minni er tókum við tíðhnit
teyguðum sekúndu í senn
er svartnættið sviptist
og ómælið æpti

Tökum eitt tíðhnitið enn
Tökum eitt tíðhnitið enn.

Eitt vakurt vinstra hopp
og vel til hægri snú
Hafið hendur á mjöðm
og hnén saman nú.
En gerið hnykkinn á grind
þá geggjast bæði karlar og konur og menn

Tökum eitt tíðhnitið enn
Tökum eitt tíðhnitið enn.

Ég svíf í draumi - í hugarflugsflaumi
flýg ég í laumi - hátt og snjallt
Í ómælisvíddum - ligg á veraldargluggum
volg undir uggum sé ég allt
Með því að taka einn hugarkipp
ferðu yfir á tímaflipp
fílar allar aldir í senn
verður skakkur af skynjun
eins og liggirðu í lyfjum

Tökum eitt tíðhnitið enn
Tökum eitt tíðhnitið enn.

Ég var á gangi hér á götu
er í gúmmítúttum þaut
og skítseyðisgæi
gaf mér skaðræðisflaut
Mér brá við blókastíl
bjóst við jeppagæjaskríl
en sá seiðandi augu
á sendiferðabil
Hann leit á mig - ég lifna enn
logandi var tíminn - og enn ég brenn

Tökum eitt tíðhnitið enn
Tökum eitt tíðhnitið enn.

TAGS: 1991 Icelandic Cast Icelandic Rocky Horror Show Sweet Transvestite
Music and original lyrics by Richard O'Brien. Icelandic translation by Veturliði Guðnason.

Ævinlega,
sé að þið rákust
á tryggan ráðsmann minn.
Hann er svo styggur þessi gikkur
því í staðinn fyrir ykkur
vildi hann hitta stuðmanninn.

Hlaupið ekki í hnút
þótt ég líti svona út
bókin er oft betri en spjöldin
mín karlmennska dvín
meðan dagsljósið skín
en ég er þrælgóður elskhugi á kvöldin

Ég er töff og taumlaus transi
frá kynfráu
Transylvaníu

Leyf mér að bjóða ykkur inn
og kannski tónlist um sinn
þið virðist bæði geðþekk og glaðlynd
Nú ef þið viljið það sjónrænt
en ekki of siðrænt
gætum við litið á gamla Steve Reeves mynd

Það var gott að hitta á þig hér
Gætum við fengið að hringja hjá þér?
Í skyndi ef þér væri sama
Það verður örstutt
svo förum við burt
við viljum síst verða til ama

Svo dekkið þitt sprakk
og þú átt engan tjakk
en greyin mín, ekki þennan flýti
Því gott miðnæturblót
er meinanna bót
og ég sendi ykkur vélsmið úr víti.

Ég er töff og taumlaus transi
frá kynfráu
Transylvaníu

Þið gætuð gist hér í nótt
og gert eitthvað ljótt
og séð þráhyggjuverk mitt í þróun
Ég er að búa til karlmann
bæði stóran og stæltan
sem kynni að vera mér fróun

Ég er töff og þröngur transi
frá kynfráu
Transylvaníu

Ég er töff og taumlaus transi
frá kynfráu
Transylvaníu

Sjáum hvað tilraunastofan
geymir hér fyrir ofan
Þennan tilhlökkunartitring ég þekki
Nema rigning og rok
séu svona þungbært ok
þá afnem ég okið en einkennin ekki.

TAGS: 1991 Icelandic Cast Charles Atlas Song Icelandic Rocky Horror Show
Music and original lyrics by Richard O'Brien. Icelandic translation by Veturliði Guðnason.

Fisléttur væskill fljótt kernst í þrot
er felldur í svaðið og sleginn í rot
en lætur lifna sinn þrótt
í líkamsrækt fljótt
svo móður honum svellur
svitaflóðið fram vellur
hann fer að glitra og gljá
eftir gufu stundum nudda má
Þá fer hann stæltur á stjá
hann verður herkill
enginn væskill

Hann étur heilsufæði og fræfla
bætir bætiefnum við
til að byggja upp herðar
sterk læri og kvið
Hann yrði hissa þessi væskill
ef hann vissi hvað ég kann
á sjö dögum sléttum
get ég búið til mann
Hann þrykkir og þvingar
sveigir og beygir sinn bol
að búa þaninn við spennu
hlýtur að útheimta þol
allt er þetta rugl
eftir að ráðið ég fann
á sjö dögum slétturn
get ég búið til mann

TAGS: 1991 Icelandic Cast Hot Patootie Icelandic Rocky Horror Show
Music and original lyrics by Richard O'Brien. Icelandic translation by Veturliði Guðnason.

Eru nú liðin öll laugardagskvöld
þegar liðið fór á sveitaböll með flöskur og tjöld
mé finnst að nú sé löngu liðin ár og öld
einhver undarleg geislun hefur breytt öllu saman.

Við keyrðum um á kagganum í miðjum maí
þá var músíkin á fullu út um allan bæ
og saxófónninn veinaði þá sí og æ
að siga niður í baksætið var ofboðslega gaman.

Hoppaðu út í heita sól
heyrðu meira rokk og ról

Við heita ilmvatnsangan hvarf mér allt mitt vit
að opna hvita plastbeltið var fálmog strit
en útslagið var bragð af bleikum varalit
ég bráðnaði og hún sagði að nú væru við saman

Á eftir þurfti að bera í hárið brillantín
Buddy Holly var að syngja hinstu lögin sín
við tókum undir ég og elsku ástin mín
okkur leið svo vel því það var ofboðslega gaman.

Hoppaðu út í heita sól
heyrðu meira rokk og ról

TAGS: 1991 Icelandic Cast Charles Atlas Song (Reprise) Icelandic Rocky Horror Show
Music and original lyrics by Richard O'Brien. Icelandic translation by Veturliði Guðnason.

Sjái ég kraftajötna mikla
kreppa harða vöðva og hnykla
finn ég þeirra þrek
finn líka að ég tek
Charles Atlas langt fram
því leikandi á viku
get ég búið til mann

Ég girnist enga glennu
heldur glímubrögð og spennu

Ég girnist glímumann
því leikandi á viku
get ég búið til mann
Ekkert bölvað gjamm
á rétt sléttri viku
get ég búið til mann

TAGS: 1991 Icelandic Cast Icelandic Rocky Horror Show Touch-A, Touch-A, Touch Me
Music and original lyrics by Richard O'Brien. Icelandic translation by Veturliði Guðnason.

Mér fannst ég fallin í sekt
freklega blekkt
ég hafði varla karlmanns kennt

að stunda lostalæti
ljóslega af sér gæti
leitt ljótar bósabögur
og blaut sæti

Nú vil ég vita og sjá
hvað veita má
enn meiri bruna í mitt blóð.

Ég hefi smakkað smáögn
sem smyglað var í kynþögn
til að vekja villta þrá
vantar mig leiðsögn.

Komdu komdu komdu við mig
ég er komin í svaðið
Vertu spilltur vertu trylltur
villta næturdýr.

Verði vöðvi of stór
við kitl og klór
með nautn ég nudda harðnað hold

og eftir sund og sólbað
sæki ég beint á bólstað
þú þráir ástaryl
ég þrái að fá það

Komdu komdu komdu við mig
ég er komin í svaðið
Vertu spilltur vertu trylltur
villta næturdýr

TAGS: 1991 Icelandic Cast Icelandic Once In A While Rocky Horror Show
Music and original lyrics by Richard O'Brien. Icelandic translation by Veturliði Guðnason.

Víst getur hent
hún gleymi að hringja
sinni engu um símans hljóm
víst gæti hent
hann hætti að klingja
orð frá þér
í eyra mér yrðu orðin tóm

Í orðanna óm
má engu muna
hjartað heyrir kaldan són
í símaróm
frostsins bruna
orð frá mér
í eyra þér verða orðin tóm

Ég vil engin tár
ég vil engu glata
ég trúi á annan bjartan dag
orð veita sár
en einnig bata
eitt frá þér
í eyra mér kemur öllu í lag

Í orðanna óm
getur því munað
þá heyrir hjartað ljúfan tón
þann rétta róm
sem færir unað
orð frá þér
í eyra mér ber ástarhljóm.

TAGS: 1991 Icelandic Cast Eddie's Teddy Icelandic Rocky Horror Show
Music and original lyrics by Richard O'Brien. Icelandic translation by Veturliði Guðnason.

Þessi yngissveinn
fæddist rotta
húskross ei neinn
var þyngri móðurmynd
hún reyndi í raun
raun og mæðu fékk í móðurlaun
Hann hvarf daginn sem hún dó.

Krípið að heiman fló
kærði sig um ekkert
nema rokk og ról
klám og mótorhjól
Á nös og nál
hékk þetta siðfatlaða göturæsafól
töffari og ólíkindatól

Skarn verður barn
sem vill ekki eiga bangsa
brátt farnast því á verri veg
hann varð ógn við allt líf
átti spretthníf

hörkugæi
gráti nærri
það er ég

Það vildi enginn sjá hann
en mér leist þrælvel á hann
hún sagði: í öllu þruglinu
skaltu hafa reglu á ruglinu
en þá rammlæsti hann allri sinni sál

Eddie mun hafa lent
í ljótum málum
í laumi var sent
blóðugt sendibréf

Allt klúðrað og klesst
komdu í hvelli áður en ég ferst
hér spinnur lostanornin lygavef

Hörkugæi
gráti nærri
það er ég

TAGS: 1991 Icelandic Cast Icelandic Planet Schmanet, Janet Rocky Horror Show
Music and original lyrics by Richard O'Brien. Icelandic translation by Veturliði Guðnason.

Stjörnuvitlausa Janet
reyndu að heyra
ég kalla ræs
reyndu að vitkast, Janet Weiss

Þitt eplapæ
var ekkert næs
þú þarft að vitkast, Janet Weiss

Fræinu er sáð
hér duga engin ráð
er hún einföld
eða kynköld
Fannst þér ég bara
á þér þyngja
eða heyrirðu loksins
klukkur klingja

Þú veist ekkert
hvaðan hann blæs
reyndu að æsast, Janet Weiss

Hljóðorkubreytir
nautn þér veitir...

...Á það bragðið
komst margt flagðið
að sáiræn hugreið
er líka næs.

Stjörnuvitlausa Janet!
Lærðu að æsast, Janet Weiss
lærðu að dræsast
og hættu að læsast
lærðu að æsast
og hún hvæsir
Stopp!

Ef að farið nógu ört er
fer hún að taka við sér

Þú ert svæsinn
og þín foríð nógu svört er
Frank Furter!

TAGS: 1991 Icelandic Cast Floor Show/Rose Tint My World Icelandic Rocky Horror Show
Music and original lyrics by Richard O'Brien. Icelandic translation by Veturliði Guðnason.

Ég var aðdáandi Frankies fyrst
og fríkaði út af hjartans lyst
en það var búið er yfir hann brann
og fór að búa til vöðvamann
en ég uni enn í okkar hóp
ég elska ákveðið dóp
rós skyggir heim
er minn skjöldur
gegn kvölum og raun.

Fyrir sjö tímum fór ég á stjá
svona föngulegur á að sjá
ég lifi undir lás og slá
lostahvatirnar knýja á
öll mín ævi er á því byggð
að æsa fullnægingarblossafrygð
rós skyggir heim
er minn skjöldur
gegn kvölum og raun

Ekki skamma
mig elsku mamma
raun mikla og ramma
ratað hef ég í
ég skil ekkert í því
ég er orðinn sexí
ég finn svo mikið fyrir því
nú flæðir það á ný

Ég geng upprétt
oki er aflétt
mín pólitík varð pottþétt
er punktinn loks ég sá
nú hef ég allt á hreinu
og holdsins lyst á beinu
Frank á sína einu
ómenguðu þrá

TAGS: 1991 Icelandic Cast Fanfare/Don't Dream It Icelandic Rocky Horror Show
Music and original lyrics by Richard O'Brien. Icelandic translation by Veturliði Guðnason.

Hvað hefur frést af henni Fay Wray?
þeirri fáguðu satínglæstu rún
klæðið féll þétt að mær
ég var klökkur, gráti nær
því ég þráði svo að klæðast eins og hún

Fel þig á vald hinnar fullkomnu nautnar
fljótandi um lostaheit munúðarhöf
martraðir girndanna leita ei lausnar
ljúfsárir dagdraumar streyma án enda
lifðu og njóttu

Dreymdu ekki - vertu
dreymdu ekki - vertu
dreymdu ekki - vertu

Brjótumst út - skyldan oss skikkar
skynlaus siðblinda - ykkar er blind
ég vil berjast - og syndinni verjast
viljaþrek brestur ef hugurinn klikkar
og ég fer að lifa
fyrir neðan þind.

Ekki skamma
mig elsku mamma
Guð blessi Lily St. Cyr

TAGS: 1991 Icelandic Cast Icelandic Rocky Horror Show Wild And Untamed Thing
Music and original lyrics by Richard O'Brien. Icelandic translation by Veturliði Guðnason.

Ég er ótemja æði slyng
eins og býflugan banvæn sting
ég æsi mig og þig og alla í kring
í ofsatrufluðum takti ég syng
Alltaf partífjörið upp ég ríf
í æsilegum ryþma allt mitt líf
Rós skyggir heim
er minn skjöldur
gegn kvölum og raun.

Frank 'n' Furter
að fullu gjört er
út um þína framtíð
og yfirkeyrðan stíl
Ég tekið hef við völdum
frá vitfirringu höldum
við heim til Transylvaníu
tak flutningsgeislann til

TAGS: 1991 Icelandic Cast I'm Going Home Icelandic Rocky Horror Show
Music and original lyrics by Richard O'Brien. Icelandic translation by Veturliði Guðnason.

Heiman frá mér leiðin lá
lagði
allt mitt undir eina þrá
hafði
engin orð að segja þá
þagði
nú kem ég aftur ef ég má

Ég sá bláan himin
gegnum tárin svo sár
þar kom að því
ég ætla heim.

Ég átti allra kosta völ
náði
hvergi að eiga langa dvöl
þráði
að finna sælu væri hún föl
þáði
þátt í sorgum þátt í kvöl

Ég sá bláan himin
gegnum tárin svo sár
þar kom að því
nú held ég heim.

TAGS: 1991 Icelandic Cast Icelandic Rocky Horror Show Super Heroes
Music and original lyrics by Richard O'Brien. Icelandic translation by Veturliði Guðnason.

Ég gerði margt
Guð veit ég reyndi
í sannleiksleit
ýmsu ég leyndi
ég veit það eitt
mitt líf er sundur
slitið

Ofurhetjur
efna til blóta
og eta hold
sem enn vill njóta
ég veit það eitt
enn getur dýrið
bitið

Geimvísinda-myndakynni
Frank hefur glatað ókindinni
myrkrið sigrað Brad og Janet
hjúin eru á plánetu sinni
ó - á geimvísinda-miðnæturmynd
í Hafnarbíó - ég er alveg óð -
ó - á geimvísinda-miðnæturmynd
í Hafnarbíó.