The Musical World of Rocky Horror

Song Lyric Categories

Rocky Horror Show Translations - 1995 Icelandic Cast: 15 song lyrics        3,410 views

From the 1995 cast album. This Icelandic language production of The Rocky Horror Show took place at Flugfélagið Loftur Theatre in Reykjavík, Iceland. All lyrics as printed in the CD liner notes. Unsurprisingly, the translations are pretty similar to the 1991 Icelandic Cast that performed a few years earlier in Reykjavík... with a couple of exceptions. First off, Hot Patootie was completely rewritten between productions - even the song titles are different ('Laugardagskvöld' versus 'Hoppum út um allan sal'). 'Laugardagskvöld' from the 1991 production is more traditional, with Eddie playing his "saxófónninn" and really loving that "rokk og ról". 'Hoppum út um allan sal' is a much darker vision of an Eddie who prefers death metal to Buddy Holly, instead singing "Ó, ég dái death metal". The other difference is in 'Tíðhnit' (The Time Warp), where the two productions have entirely different lyrics for Riff Raff's part at the beginning up until the first refrain of "Tökum eitt tíðhnitið enn".

  1. (Science Fiction/Double Feature)
  2. Erfitt, Janet (Dammit Janet)
  3. (Over At The Frankenstein Place)
  4. (Time Warp)
  5. Taumlaus transi (Sweet Transvestite)
  6. (Charles Atlas Song)
  7. (Hot Patootie)
  8. (Charles Atlas Song [reprise])
  1. (Touch-A, Touch-A, Touch Me)
  2. Bangsinn & Eddie (Eddie's Teddy)
  3. (Rose Tint My World)
  4. (Don't Dream It)
  5. (Wild And Untamed Thing)
  6. (I'm Going Home)
  7. Ofurhetjur (Super Heroes)
The Rocky Horror Show (Icelandic Cast)
TAGS: 1995 Icelandic Cast Icelandic Rocky Horror Show Science Fiction/Double Feature
Music and original lyrics by Richard O'Brien. Icelandic translation by Veturliði Guðnason.

Þegar jörðin stóð kyrr
var Michael Rennie sem fyrr
stjarnan sem sagði okkur til
og Flash Gordon stökk um
í silfurnærbuxum
Claude Rains gegnum veggi og þil.
En eitthvað gekk ei
hjá King Kong og Fay Wray
það kom hnykkur á filmunnar spil
okkar mannanna börnum
barst frá fjarlægum stjörnum
boð sem gera skal skil.

Viðlag

Geimvísinda -
úhh, úhh, úhh
- myndaminni
doktor X hjá -
úhh, úhh, úhh
- ókind sinni.
við Brad og Janet hafa -
úhh, úhh, úhh
- geimmenn kynni
Anne Francis er á -
úhh, úhh, úhh
- forboðnu plánetunni
á geimvísinda-miðnæturmynd
í Héðinsbíó.

Leo Carrol fékk tak
um leið og hann rak
risakónguló langt upp í fjöll
Og víst var það flott
þegar hún Janette Scott
barði eldspúandi þríöfða tröll
Dana Andrews þá byrst
beitti rúnanna list
og að rista þær nornin var snjöll
Í ragnarökum sagði
George Pal við sína lafði
Nú fyrst hefjast spennandi spjöll
Sem eru...

Viðlagið endurtekið

TAGS: 1995 Icelandic Cast Dammit Janet Icelandic Rocky Horror Show
Music and original lyrics by Richard O'Brien. Icelandic translation by Veturliði Guðnason.

Fljótið var mórautt og mislitt
Janet
en mér þykir allt saman ónýtt
Janet
hlustaðu róleg á mál mitt
Janet
ég meina þetta eitt sem er erfitt,
Janet, ég elska þig.

Leiðin var steinótt og stórgrýtt
Janet
en stormandi bálið er brennheitt
Janet
magnaðri er viljinn en vit mitt
Janet
ég vil þetta eitt sem er erfitt,
Janet, ég elska þig

Fingurgullið færir góður gæji
Gæfan fylgir oss á þennan veg
Vel - illa - eða í meðallagi
J-a-n-e-t, þú ert yndileg.

Betty fékk barasta tómt plat
Ó, Brad
býsn er ég feginn að ég gat
Ó, Brad
haft þig hjá mömmu í kvöldmat
Ó, Brad
ég man það eitt að ég sat,
Brad, óð í þig.

Ó, Brad -
Svo erfitt -
ég sat -
ó, Janet -
óð í þig -
eins og ég í þig-
nú er að fara á næsta stig.

Förum til fræðarans sem ekki fyrtist
Janet
er fann ég að ástin mér birtist.
Janet
Í tíma hjá honum ég trylltist
Janet
með tjáningu ástin mín styrkist,
Janet, ég elska þig.

Erfitt, Janet
Ó, Brad, ó, Brad
Janet, Janet
ég elska þig.

TAGS: 1995 Icelandic Cast Icelandic Over At The Frankenstein Place Rocky Horror Show
Music and original lyrics by Richard O'Brien. Icelandic translation by Veturliði Guðnason.

Er magnast myrkrið
svo mjúkt og svart
logar bjart - leiðarstjarnan skær
lifnar og dafnar draumur þinn kær
Ljómar ljós
logabjart í Frankenstein-höll
ljómar ljós
lifna í arni eldsins tröll
ljómar ljós - skært ljós
ljós sem vísar
lífsins leið um nótt.

Þar flaksast fáni
fjarri við hún
hátt á brún - vís er von og trú
að vænkist okkar hagur hér og nú

Ljómar ljós
logabjart í Frankenstein-höll
ljómar ljós
lifna í arni eldsins tröll
ljómar ljós - skært ljós
ljós sem vísar
lífsins leið um nótt.

Myrkur á braut
hverfi í móðu næturdrauma
Flæði valmúans blóð láti ljóss
og sólar strauma vekja mér móð
vekja mér móð

Ljómar ljós
logabjart í Frankenstein-höll
ljómar ljós
lifna í arni eldsins tröll
ljómar ljós - skært ljós
ljós sem vísar
lífsins leið um nótt

TAGS: 1995 Icelandic Cast Icelandic Rocky Horror Show Time Warp
Music and original lyrics by Richard O'Brien. Original Icelandic translation by Veturliði Guðnason. Additional translation by Birni Jörundi Friðbjörnssyni.

Tíminn flýtur
allar reglur brýtur
bilun, getur verið dýr.
Hlustið á mig það tekur brátt enda
ég vakta tímans brýr

Já ég man það, er ég tímann beygði
drakk eitt stundarglas
af tíðablóði, einnar stundar gróði
Tökum eitt tíðhnitið enn
tökum eitt tíðhnitið enn

Eitt vakurt vinstra hopp
og vel til hægri snú
Hafið hendur á mjöðm
og hnén saman nú
En gerið hnykkinn á grind
þá geggjast bæði karlar, konur og menn
Tökum eitt tíðhnitið enn
Tökum eitt tíðhnitið enn

Ég svíf í draumi - í hugarflugsflaumi
flýg ég í laumi - dimmt og kalt
Í ómælisvíddum - ligg á veraldargluggum
volg undir uggum - sé ég allt
Með því að taka einn hugarkipp
ferðu yfir á tímaflipp
fílar allar aldir í senn
verður skakkur af skynjun
eins og liggirðu í lyfjum

Tökum eitt tíðhnitið enn
Tökum eitt tíðhnitið enn

Ég var á gangi hér á götu
er í gúmmítúttum þaut
og skítseyðisgæi
gaf mér skaðræðisflaut
Mér brá við blókastíl
bjóst við jeppagæjaskríl
en sá seiðandi augu
á sendiferðabil
Hann leit á mig - ég lifna enn
logandi var tíminn - og enn ég brenn

Tökum eitt tíðhnitið enn
Tökum eitt tíðhnitið enn

Viðlag endurtekið

Tökum eitt tíðhnitið enn
Tökum eitt tíðhnitið enn

Viðlag endurtekið

TAGS: 1995 Icelandic Cast Icelandic Rocky Horror Show Sweet Transvestite
Music and original lyrics by Richard O'Brien. Icelandic translation by Veturliði Guðnason.

Sæl og blessuð,
ég sé þið rákust
á tryggan ráðsmann minn.
Hann er styggur þessi gikkur
því í staðinn fyrir ykkur
vildi hann hitta stuðmanninn
Hlaupið ekki í hnút
þótt ég líti svona út
bókin er oft betri en spjöldin
mín karlmennska dvín
meðan dagsljósið skín
en ég er þrælgóður elskhugi á kvöldin

Ég er trylltur transi
frá kynfráu
Transylvaníu
Leyf mér að bjóða ykkur inn
og kannski tónlist um sinn
þið virðist bæði geðþekk og glaðlynd
Ef þið viljið það sjónrænt
en ekki alltof siðrænt
gætum við litið á gamla Steve Reeves-
mynd

Gott að hitta á þig hér
Má ég hringja hjá þér?
Í skyndi ef þér væri sama
Það verður örstutt
svo förum við burt
við viljum síst verða til ama

Dekkið þitt sprakk
og þú átt engan tjakk
en greyin mín, ekki þennan flýti
Gott miðnæturblót
er meinanna bót
ég sendi ykkur vélsmið úr víti

Ég er töff og taumlaus transi
frá kynfráu
Transylvaníu

Þið gætuð gist hér í nótt
jafnvel gert eitthvað ljótt
og séð þráhyggjuverk mitt í þróun
ég er að búa til karlmann
bæði stóran og stæltan
sem kynni að veita mér fróun

Ég er töff og taumlaus transi
frá kynfráu
Transylvaníu

Ég er töff og taumlaus transi
frá kynfráu
Transylvaníu

Gáum hvað tilraunastofan..
..geymir hér fyrir ofan.
Þennan tilhlökkunartitring ég þekki
Nema rigning og rok
séu svona þungbært ok
þá afnem ég okið en einkennin ekki.

TAGS: 1995 Icelandic Cast Charles Atlas Song Icelandic Rocky Horror Show
Music and original lyrics by Richard O'Brien. Icelandic translation by Veturliði Guðnason.

Fisléttur væskill fljótt kernst í þrot
er felldur í svaðið og sleginn í rot
en lætur lifna sinn þrótt
í líkamsrækt fljótt
svo móður honum svellur
svitaflóðið fram vellur
hann fer að glitra og gljá
eftir gufu jafnvel nudda má
Þá fer hann stæltur á stjá
Hann verður herkill
enginn væskill

Hann étur heilsufæði og fræfla
bætir bætiefnum við
til að byggja upp herðar
sterk læri og kvið
Hann yrði hissa þessi væskill
ef hann vissi hvað ég kann
á viku rétt sléttri
get ég búið til mann
Hann þrykkir og þvingar
sveigir og beygir sinn bol
að búa þaninn við spennu
hlýtur að útheimta þol
allt er þetta rugl
eftir að ráðið ég fann
á rétt sléttri viku
get ég búið til mann

TAGS: 1995 Icelandic Cast Hot Patootie Icelandic Rocky Horror Show
Original music and lyrics by Richard O'Brien. Icelandic translation by Davíð Þór Jónsson.

Hví eru liðin þau laugardagskvöld
er leðurjakkagengið svala tók öll völd?
Af himninum kom hrollvekjandi geislafjöld.
Ég hélt um stund ég væri kannski orðinn að guði.
Í bíltúra með kvenfólki með brókarsótt
(af brókarsóttarkvenfólki er alltaf gnótt)
fór ég því þær leyfðu mér að gera ljótt.
Mér leið ansi vel því allir voru á bömmer.

Hoppum út um allan sal.
Ó, ég dái death metal.

Ilmvatnslyktin fyllti öll mín vit
svo uppskar ég að lokum eftir mikið strit
konubragð og verðskuldaðan varalit
og vissi að við tvö gætum dundað eitthvað saman.
Þá var kveikt á mónítorum yfirleitt,
en ef það var um nætur sem ég komst í feitt
hélt ég bara um dömuna og heyrði ekki neitt,
heltekinn af því það var svo ofboðslega gaman.

Hoppum út um allan sal.
Ó, ég dái death metal.

TAGS: 1995 Icelandic Cast Charles Atlas Song (Reprise) Icelandic Rocky Horror Show
Music and original lyrics by Richard O'Brien. Icelandic translation by Veturliði Guðnason.

Sjái ég kraftajötna mikla
kreppa harða vöðva og hnykla
finn ég þeirra þrek
finn líka að ég tek
Charles Atlas langt fram
því leikandi á viku
get ég búið til mann
Ég girnist enga glennu
heldur glímubrögð og spennu
Ég girnist glímumann
Á rétt sléttri viku
get ég búið til mann
Ekkert bölvað gjamm
á rétt sléttri viku
get ég búið til mann

TAGS: 1995 Icelandic Cast Icelandic Rocky Horror Show Touch-A, Touch-A, Touch Me
Music and original lyrics by Richard O'Brien. Icelandic translation by Veturliði Guðnason.

Mér fannst ég fallin í sekt
freklega blekkt
ég hafði varla karlmanns kennt

að stunda lostalæti
ljóslega af sér gæti
leitt ljótar bósabögur
og blaut sæti

Nú vil ég vita og sjá
hvað veita má
enn meiri bruna í mitt blóð
Ég hefi smakkað smá ögn
sem smyglað var í kynþögn
til að vekja villta þrá
vantar mig leiðsögn

Komdu komdu komdu við mig
ég er komin í svaðið
Vertu spilltur vertu trylltur
villta næturdýr

Verði vöðvi of stór
við kitl og klór
með nautn ég nudda harðnað hold

Og eftir sund og sólbað
sæki ég beint á bólstað
þú þráir ástaryl
ég þrái að fá það

Viðlag endurtekið

TAGS: 1995 Icelandic Cast Eddie's Teddy Icelandic Rocky Horror Show
Music and original lyrics by Richard O'Brien. Icelandic translation by Veturliði Guðnason.

Þessi yngissveinn
fæddist rotta
húskross ei neinn
var þyngri móðurmynd
hún reyndi í raun
raun og mæðu fékk í móðurlaun
Hann hvarf daginn sem hún dó

Krípið að heiman fló
kærði sig um ekkert
nema rock'n'roll
klám og mótorhjól
Á nös og nál
hékk þetta siðfatlaða göturæsafól
töffari og ólíkindatól

Skarn verður barn
sem vill ekki eiga bangsa
brátt farnast því á verri veg
hann varð ógn við allt líf
átti spretthníf
hörkugæji
gráti nærri
það er ég

Það vildi enginn sjá hann
en mér leist þrælvel á hann
ég sagði: í öllu þruglinu
skaltu hafa reglu á ruglinu
þá rammlæsti hann allri sinni sál

Eddie mun hafa lent
í ljótum málum
í laumi var sent
blóðugt sendibréf

Allt klúðrað og klesst
komdu í hvelli áður en ég ferst
hér spinnur lostanornin lygavef

(Viðlag endurtekið tvisvar)

TAGS: 1995 Icelandic Cast Floor Show/Rose Tint My World Icelandic Rocky Horror Show
Music and original lyrics by Richard O'Brien. Icelandic translation by Veturliði Guðnason.

Ég var aðdáandi Frankies fyrst
og fríkaði út af hjartans lyst
það var búið er yfir hann brann
og fór að búa til vöðvamann
en ég uni enn í okkar hóp
því ég elska ákveðið dóp
rós skyggir heim er minn
skjöldur gegn kvölum og raun

Fyrir sjö tímum fór ég á stjá
svona föngulegur á að sjá
ég lifði undir lás og slá
lostahvatirnar knýja á
öll mín ævi er á því byggð
að æsa fullnægingarblossafrygð
rós skyggir heim er minn
skjöldur gegn kvölum og raun

Ekki skamma
mig elsku mamma
raun mikla og ramma
ratað hef ég í
ég skil ekkert í því
ég er orðinn sexí
ég finn svo mikið fyrir því
nú flæðir það á ný

Ég geng upprétt
oki er aflétt
mín pólitík varð pottþétt
er punktinn loks ég sá
nú hef ég allt á hreinu
og holdsins lyst á beinu
Frank á sína einu
ómenguðu þrá

TAGS: 1995 Icelandic Cast Fanfare/Don't Dream It Icelandic Rocky Horror Show
Music and original lyrics by Richard O'Brien. Icelandic translation by Veturliði Guðnason.

Hvað hefur frést af henni Fay Wray
hinni fáguðu satínglæstu rún
klæðið féll þétt að mær
ég var klökkur, gráti nær
því ég þráði að klæðast eins og hún

Fel þig á vald hinnar fullkomnu nautnar
fljótandi um lostaheit munúðarhöf
martraðir girndanna leita ei lausnar
ljúfsárir dagdraumar streyma án enda
lifðu og njóttu

Dreymdu ekki - vertu
dreymdu ekki - vertu
dreymdu ekki - vertu

Brjótumst út - skyldan oss skikkar
skynlaus siðblinda - ykkar er blind
ég vil berjast - og syndinni verjast
viljaþrek brestur ef hugurinn klikkar
og ég fer að lifa fyrir
neðan þind

Ekki skamma
mig elsku mamma
Guð blessi Lily St. Cyr.

TAGS: 1995 Icelandic Cast Icelandic Rocky Horror Show Wild And Untamed Thing
Music and original lyrics by Richard O'Brien. Icelandic translation by Veturliði Guðnason.

Ég er ótemja æði slyng
eins og býflugan banvæn sting
ég æsi mig og þig og alla í kring
í ofsatrufluðum takti syng
Alltaf partífjörið upp ég ríf
í æsilegum ryþma allt mitt líf
Rós skyggir heim er minn
skjöldur gegn kvölum og raun

Frank 'n' Furter
að fullu gjört er
út um þína framtíð
og yfirkeyrðan stíl
Ég tekið hef við völdum
frá vitfirringu höldum
við heim til Transylvaníu
tak flutningsgeislann til

TAGS: 1995 Icelandic Cast I'm Going Home Icelandic Rocky Horror Show
Music and original lyrics by Richard O'Brien. Icelandic translation by Veturliði Guðnason.

Heiman frá mér leiðin lá
lagði
allt mitt undir eina þrá
hafði
engin orð að segja þá
þagði
nú kem ég aftur ef ég má

Þvi ég sá bláan himinn
gegnum tár á brá
þar kom að því
ég ætla heim
ég ætla heim

Ég átti allra kosta völ
náði
hvergi að eiga langa dvöl
þráði
að finna sælu væri hún föl
þáði
þátt í sorgum þátt í kvöl

Ég sá bláan himinn
gegnum tár á brá
þar kom að því
ég ætla heim

TAGS: 1995 Icelandic Cast Icelandic Rocky Horror Show
Music and original lyrics by Richard O'Brien. Original Icelandic translation by Veturliði Guðnason. Additional translation by Davíð Þór Jónsson.

Ég gerði margt
Guð veit ég reyndi
í sannleiksleit
ýmsu ég leyndi
ég veit það eitt
mitt líf er sundur
slitið

Ofurhetjur
efna til blóta
og eta hold
sem enn vill njóta
ég veit það eitt
enn getur dýrið
bitið

Ahh.. osfrv.

Og á jörðinni
skríða enn
undarleg kvikindi
kölluð menn,
villuráfandi
í tíma og rúmi
án tilgangs